513

Елордалық дәрігерлер тірек-қимыл аппараты бұзылған балаларға бірегей оталар жасауда

Балалар ортопедтері туа біткен ақаулары мен жамбас буынының патологиялық шығуы бар жасөспірімдерді емдеудің ең күрделі және тиімді әдістерін қолдануда, деп хабарлайды Нұр-Сұлтан әкімдігінің ресми сайты.

№2 көпсалалы қалалық балалар ауруханасының ортопедия және оңалту бөлімінің меңгерушісі Агабек Чикинаевтың айтуынша, бұған дейін жамбас буындарының шығуы мен дисплазиясы бар балаларды аяғына тұрғызу үшін олардың 18 жасқа толғанын күтуге тура келетін. Қазір дәрігерлер арнайы дайындықтан өткеннен кейін бірегей операция Қазақстанда да жасалуда.

«Бұл ота – Ganc әдісі бойынша жамбас мүшелерінің остеотомиясы. Сент-Луистік (АҚШ) профессор D. Kuldzhanova көмегімен аурудан арылуға мүмкіндік беретін күрделі және тиімді емдеу әдістерінің бірін игердік. Әсері өте жақсы: ағза ерте қалпына келеді, асқыну ықтималдығы өте төмен. Церебральды сал ауруы, патологиялық буын шығуы, патологиялық буын шығуымен күрделенген жұлынның туа біткен ақаулары бар балалар үшін бұл операция өте тиімді», – дейді А.Чикинаев.

Оның айтуынша, отаға арналған құралдар Нижний Новгород зауытынан тапсырыспен алынған.

«Жамбас оталарына арналған жиынтық – Қазақстандағы шағын тілік арқылы жамбас буынына ота жасауға мүмкіндік беретін жалғыз құрал. Егер бұрын ота үш-төрт сағаттан көп уақыт алса, қазір екі сағатқа дейін. Бұл өте жақсы нәтиже. Қазақстанның барлық аймақтарынан балалар көмек алуда. Бұрын бұл жаста біз ота жасамай, баланың өскенін күтетінбіз. Олар ақсау, омыртқаның қисаюынан зардап шекті. Енді біз тиімді көмек көрсете аламыз», – деп түсіндірді дәрігер.

Отандық дәрігерлер емдейтін тағы бір ауру – қол-аяқтың буындары мен байламдарының туа біткен ақаулары. Бұл аурумен ауыратын балалар көп емес, бірақ әр аймақта кездеседі. Бір ғана №2 балалар ауруханасында осындай 32 бала тіркелген.

«Бірегей операция бар, ол қолды бүгілген күйден қалпына келтіруге мүмкіндік береді. Биыл мұндай ота 11 науқасқа жасалды. Бала тамақтана алады, жуынып, компьютер қолдана алады. Бір сөзбен толыққанды өмір салтын ұстанып, қамқоршыларға тәуелді болмайды», – дейді дәрігер.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109