13429

Нұр-Сұлтанда нөсер кәрізі бойынша қандай жұмыстар жүргізіліп жатыр

Елордада орналасқан жауын-шашын кәріздерін толық тексеру кезінде коллекторлардың 60-тан 100%-ға дейін ластанғаны анықталды. Бұл туралы қала әкімі Алтай Көлгінов Instagram парақшасында мәлім етті, деп хабарлайды қала әкімдігінің ресми сайты.

«Жауын-шашын кәріздері мен коллекторлар қаланың тыныс-тіршілігін қамтамасыз етудегі маңызды жүйелердің бірі. Оларды салу, құдықтарды тазарту, заңсыз жалғанған жерлерді анықтау және иесіз қалған кәріздерді қожалыққа алу жұмыстарымен «Elorda Eco System» компаниясы айналысады. Бүгін қызметкерлермен кездесіп, игі жұмыстары үшін алғыс айттым. Еңбек жағдайын жақсарту үшін арнайы техника паркін жаңартамыз.

Қалада орналасқан жауын-шашын кәріздерді толық тексеру кезінде коллекторлардың 60-тан 100%-ға дейін ластанғаны анықталды. Мысалы, Бараев көшесі мен Тәуелсіздік даңғылында орналасқан коллектордан 30 м3 астам бетон массасы алынды. Арықтар мен құдықтардан 2,5 мың тонна қоқыс шықты.

Жарты жыл ішінде 54 км астам коллекторлар, 32 мың м.п. арық-науа желілері, 4 мыңға жуық бақылау және жауын-шашын қабылдайтын құдықтар тазартылды. 60-тан астам құдық пен жаңбыр сүзетін торлар табылып, қалпына келтірілді.

Тәшенов, Амман, Янушкевич көшелері; Мәңгілік ел даңғылы сияқты өзге де проблемалық учаскелерде 250 м астам су өткізу құбырлары жөнделді. Бұдан басқа жауын-жашын кәріз жүйесіне 230-дан астам заңсыз қосылу анықталды. Мұның барлығы жауын-шашын кәріздері мен коллекторлардың жұмысын едәуір қиындатқан еді.

Қаланың өсу қарқынын ескере отырып, бірқатар жауын-шашын кәрізі мен коллекторлардың құрылысы бойынша жұмыс жүргізіп жатырмыз. Жұмыс істеп тұрған жауын-шашын кәріздері мен құдықтардың жүйелерін тазарту жұмыстары тұрақты негізде жүргізіліп келеді», — деп жазды қала әкімі.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109