AI Bridge Астанадағы ең ірі технологиялық форумның жаңа бетін алғаш рет ашады

AI Bridge Digital Bridge форумының орнын басып, цифрлық болашақты қалыптастыратын технологиялар мен адамдарды біріктіру миссиясын жалғастырады. Биыл форумның негізгі назары жасанды интеллектке және оның дамуына бағытталады: генеративті шешімдерден бастап, талдау жасай алатын, үйренетін және күрделі шешімдер қабылдауға көмектесетін жаңа буын жүйелеріне дейін.

Форумның басты тақырыбы — Next Intelligence: From Generative to Cognitive. Бұл тақырып жасанды интеллект дамуының жаңа кезеңін көрсетеді: сұраныс бойынша контент жасайтын құралдардан контексті тереңірек түсінетін, деректермен жұмыс істейтін және күрделі міндеттерді шешуге көмектесетін интеллектуалды жүйелерге көшу.

Үш күн ішінде қатысушылар халықаралық сарапшылардың қатысуымен өтетін конференциялық сессияларға, панельдік пікірталастарға, стартаптар көрмесіне, питч-сессияларға және практикалық воркшоптарға қатыса алады. Бүгінде жұмыс тәсілдерін, бизнесті және мемлекет пен азаматтардың өзара іс-қимылын өзгертіп жатқан технологиялық шешімдер мен жобаларға ерекше назар аударылады.

AI Bridge әзірлеушілер, кәсіпкерлер, инвесторлар, мемлекеттік органдардың, ғылым мен технологиялық қоғамдастықтың өкілдері бас қосатын алаңға айналады. Форум білім алмасуға, серіктестер табуға және жаңа жобаларды дамытуға мүмкіндік береді.

Астанада AI Bridge форумының өтуі қаланың цифрлық технологиялар мен инновациялар орталығы ретіндегі мәртебесін нығайтуға бағытталған тағы бір қадам болмақ. Форумды Astana Hub, Қазақстан Республикасының Жасанды интеллект және цифрлық даму министрлігі және Астана қаласының әкімдігі ұйымдастырады.

Өтетін күні: 2026 жылғы 1–3 қазан

AI Bridge 2026 — генеративті жасанды интеллекттен интеллекттің жаңа деңгейіне дейін.