Астанада Qazaq AI Research University-ның бірінші оқу жылы басталды

Астанада Qazaq AI Research University (QAIRU) университетінің алғашқы оқу жылы басталды. Бұл — жасанды интеллектке, ғылыми зерттеулерге және технологиялық экономикаға қажетті мамандарды даярлауға бағытталған жаңа университет. Университеттің таныстырылымы Astana Hub алаңында өтті.

QAIRU ұлттық жасанды интеллект экожүйесінің бір бөлігі ретінде құрылды. Университет дайын технологияларды меңгертуге ғана емес, өз шешімдерін әзірлей алатын AI-инженерлерді, зерттеушілерді және технологиялық кәсіпкерлерді даярлауға басымдық береді.

Практикалық бағытқа ерекше көңіл бөлінеді: білім беру үдерісі іргелі білімді, ғылыми зерттеулерді, индустриялық жобалармен жұмысты және технологиялық өнімдер әзірлеуді біріктіруге бағытталған.

Жаңа университетке деген қызығушылық қабылдау кезеңінің өзінде байқалды. QAIRU Inflection 2026 байқауына 675 өтінім түсіп, 149 үміткер іріктеуден өтті. Ал он финалист университетте білім алуға арналған гранттарға ие болды.

Елордада осындай білім беру орталығының пайда болуы жас мамандарға жаңа мүмкіндіктер ашып, Астананың жасанды интеллект, ғылым және технологиялық кәсіпкерлікті дамыту алаңы ретіндегі рөлін нығайтады.

Астана — білімнің болашақ технологияларына айналатын қала.